Ni sawmhni panga kekawr hnuoi bovin.

Mihriem hringnun hi hriethhiem antak ngei, ei vanglai par angin ei vul hlut hlut a, sawtnaw te hnunga chuoi nawk nghalin. Khawvela hringnun ei hmanglai hin thil tamtak ei poimaw ve hlak, Lal ṭawngtai na a khawm inkhawm zat deuthaw ei hril hlak, "nitin ka fak khawp bu mi pe la" ti Isu Krista'n ami belsa pek nasan hi mihriem hai duamnaa sip ei ni zie le thil ei mamaw tawntaw chu nitin bu fak khawp nei hi alo ni zie hai amin hrietdawk tir hlak ka hril ve phat le. Vawikhat chu van tieng nga puma in ngaituo veng vengin hrietsuok thar ka hung nei phuta, ṭhenkhat chun piengtharna an ti ang a ni diem chu ka hrietnaw, "thil ei mamaw tawntaw naw chu nei lo um hin ingtinam lungril um ata, Pathien amin hnai tir sawt ding am?" ti hi anih. Kan ngaituo na a chun, "thil popo nei inla khawm ei lung a awi chuongnaw chun thil popo neinaw inla teh ei lung a awi diem?",ti thu hin saihlin ka bawk taka per angin ka lungril a ami hung denga ,ka tlu tawpa ti lang chu khel ka hril ding ana,ka tlu tawp naw anachu ka var sawtin ka hriet. Chuonghai anthawk chun ka thil nei hai lai hin iem pawimaw tak ata tiin ka ngaituo vela,ka phone hi ka lungrila a hung fu nal,anachu "ka phone em hmanglo chu ingtinam umthei ka ti le?" tiin ka kekawr hnuoi ni lem raw se tiin kekawr hnuoi bun lovin Khawvel ka hei hmang ta a. Insil khawm lo remchangin, insil zata kei ka anga thabo hai tadinga nghawk um bekbek, kekawr hnuoi sawp fai khawm thaw a ṭul tanaw a, anhawi angreng. Ei zuk inṭhunga ei kalak kara tlifim inhawi tak hung luotin ami hung muot hieu hieu chu tudang reng ei ngainaw. An hawiin a zalen bawk kekawrte bun lo chu ei tlan phatle khawm an then nal nala, Siemtu'n ami siemdan ang hrima um hi anlo in hawi ngei ti amin hrietsuok tir hlak. Anachu lawn phatle ei kalak kara ei tilmu ei chepsa a infuk lo ṭuta lawnin, milai kalak hang pur hlak remchang lo, antak khawpel hlak a karchang chu, tilmu khawm an hang nuom. Chun, ka suonghan I til a puk ding ani kekawrte i bun naw chun anmi ti a ka ṭi angreng khawpel, til puk hi alo danger ṭei. Ni khat khan ka kekawr alovin phan deu ninb ati ka kekawr alovin hmu tlang theia ka nun a hmu anle a mi nuisana a ti mei mei sawnin bazar hai dam kha kekawr bunin kalo suok hai khawm kha kalan zak thar tun. Ingpo khawm nisien, thil ei mamaw tawntaw a ka la ngai chuongnaw kekawrte hi, thenkhat tading chun alo ni dal elthei anachu kei ka tading chun tun chu kekawrte hi ṭul bekbek lova ka ngai thei ta ni sawmhni panga ka bun lo hnungin chu.